ang harsh ra kaayo nga critiko

WALA ka man unta
mibuga ug lava
gisugilon mo lamang
ang kabahin sa pakyas
nga gugma
miantog kas pangpang
misulay kang kunsad sa
langit
miawit ka sa hangin
gikariling mo ang mga
lingin
gihandom mo ang mga buwak
sa dalan sa kasub-anan
wala kay gikutlo bisag 
gumamela man lamang
mibalak ka lang 
sulay sulay sa buwan nga
magul-anon
mga luha nga nauga sa
alugnan
habol nga bilar sa imong
kagahapon
walay kalooy nga himantayon
mibasa ug  miingon
'undangi, mas maayo pang
maggansilyo ka o dili
ba sa mga bulingon mo
manglaba"