sa kangitngit

nagpuyo ako sa akong
salamin
unya ang tanan nakong 
nakita bahin kanimo
ulahi ko nang nabantayan
nga kini mao man lang diay
ang ania sa akong salamin

busa ania gitago ko ang
samin, ang uban gibuak ko
na, ang uban akong gihatag
sa uban,

gipangita ko ang kangitngit
aron lamang makita ko na ikaw.
gipangita ko ikaw, tungod kay
ako kang gihigugma.

sa kahayag wala ka, wala sab ko.
basin kaha kon sa kangitngit
magkita tang duha?