ang kamatayon

ayaw ug sunod kanako
walay tumong ang akong lakaw
walay takna ang akong pagtaliwan
walay kahayag sa akong lungag
wala ang dalan nga maingon mo
nga magtangag ug ganghaan sa
unahan

diha ka lang kutob
mopadayon ako
kon mosunod ka pa kanako
basin ug dunay mahitabo kanimo

irong buang ang akong higala
doldol ang iyang pasilungan
sa unahan anaa ang lawa
ug ang sakayan nga akong sakyan
buslot kini, walay layag, gamay,
gabok.

ang akong gisaligan mao lamang
ang akong mga damgo
ang akong mga paglaum
ang akong gihambin nga kasakit
ang akong umaabot nga kalipay
mao lamang ang kamatayon.