kaadlawon

ang kabuntagon
mihisgot kabahin sa
usa ka
pagpaabot

wala ka na
kasabot kon unsa
kini
kon dis-a gikan
ug asa padulong
o kon unsa ang
rason ngano

ngano man kaha?
nganong ang saad
wala man
ang dan-ag?

naligsan kaha siya
sa pison?
wala pa kaha maputol
sa iyang mananabang
ang pusod?

daghang kabalaka ang
nagkataykatay sa
punoan sa mangga

nangahinog na
nangahulog na
hapit na malata ang
nagpasad
ug walay bisag usa
man lang ka bata nga
walay buot
ang namulak sa kaadlawon.