kamot ug dila

 gisukod ang kalipay sa duha ka 

mga utlanan: sa kamot ug sa dila.

samtang milikos ang dila nga morag

bitin, dayon misulod sa bangag nga 

morag kasag, nga sa paglantaw lamang

diha sa ganghaan, mabati mo ang mga

pangutana, sa pulo ka mga tudlo ug

sa iyang dughan nga morag palad, 

ang mga kamot morag mga batang

nangita sa pulak nga mangga didto

sa kasagbotan, nagbasa sa lapok 

misinaw sa nahagdaw nga kahayag

sa bugnaw nga kaadlawon didto atbang

sa balay sa nag-inosarang si Neneng.