ambot kon makaantos ka ba kaha?

 naghimo ka ug balay

nga dili mo puy-an

sahay pahulayan

apan sa dili magdugay

gipangita mo pa gihapon

kon asa ang imong

kasingkasing

ambot kon makaantos

ka ba kaha

sa umaabot? balay diin

wala ang kasingkasing

gikan na ako dinha

sa balay nga wala ko

gipuy-an

akong binuhatan

wala ang mga bata

didto nga nagpahimo nato

nga mga tawo

dili mo madungog ang

tingog sa dagan

ang agik-ik sa mga kawayan

ang paglitok sa pulong

nga papa ug mama

ambot ug makaantos ka

ba kaha

apan dili na ako mangilabot

kabahin niana

ania ang suba

miabot na ang baha

unya mao na kini

ang akong panahon

sa pagtabok

sa pikas tampi diin

walay bisag usa ang

nagpaabot kanako