alang sa mga walay labot

 gisaknit ang buwan sa kagabhion

nawala sa kaadlawon ang gabon

pagkabuntag hapsay na ang tanan

morag wala lay nahitabo sa 

kalibotan, gilamoy sa kahayag ang

mga hanap, dayag na ang tanan

morag baligya sa mga tersena sa

tyanggi, gihawiran ko na usab ang

bato aron ibono sa mga walay labot,

kabaw sa tunaan, iro nga tulog,

tamsi nga naghinuktok sa sanga

sa bulahan, isda sa sapa nga mauwat

na usab sa paon nga gitangag sa pasol