ang bato

 nagpatianod ka man lang god

sa panahon

gidala mo lang ang imong ngalan

isip maskara sa 

katilingban

nagpatianod ka man lang god

sa dugay nga panahon

ang imong mga damgo natuman 

man ugaling

apan wala mo makuha ang imong

gusto

nagpatianod ka man lang god sa sulog

sa panahon

nahimo kang dahon, ulan, haw-an,

baki, bato, bula, bisag unsa

apan wala mo na kini ambata pa

nagpatianod ka man lang god sa sulog

sa dakong suba

hangtod nga gisuka ka sa iyang baba

bato ka nga naa sa ilalom sa dagat

nag-inosara.