ang sayop sa tawo

 sa bata pa siya

kaniadto nga ang kagutom

walay ugam

gilutoan siyag puto

puti nga puto, liki nga puto

gihaon, gibutang sa lamesa

atubang niya,

gipalantaw lang

dili ipakaon

sa dihang natigulang na siya

diin ang kagutom wala na

gilutoan siya ug daghang puto

puti nga puto, liki nga puto,

gihaon, gibutang sa iyang lamesa

atubangan niya,

giingna siya, kuhaa na, kan-a

na, apan ang iyang kamot kurog

ang iyang baba pait,

ang iyang ngipon hingo,

ang iyang tiyan puno.