ugay

 pagkalaming pamation 

gayod ang saad nianang

ugma damlag

gibuhi ang patay nga paglaom.

pagkalaming bation ang

kamot nga humok 

sama sa nangahulog nga bulak

sa doldol

hilom kaayo ang imong hunghong

morag kinto sa batang nangawat

sa tibugol nga kamay

nga gihipos ni nanay sa garapon

nga samin

tam-is kaayo ang imong mga

pulong

sama sa katam-is sa imong halok

anaa ang pasalig

sa gugmang tiunay

sa mga dila ug ngabil

nga kanunay nag-unay

nag-unong man ugaling

apan dili modugay

diha sa ugay sa akong lagay

dako akog pagmahay.