sky flake biscuit

 nahibalag ka na gayod

sa facebook

ang imong classmate 

kaniadto sa elementary pa mo

magsugod sa himamat

kumusta ka na? dugay na gyod

ta nga wa magkita

asa ka na karon? unsay imong trabaho?

naminyo ka na? pila na ang imong anak?

asa ka nagpuyo? kumusta na kaha

silang patricia, luis, og maria?

ang mga igat asa na kaha

ug ang mga sipat?

ah, nagkita mi ni Reyna sa malaysia

dato na kaayo siya

ako mibalik sa pinas, pordoy pas

lopoy, gasakit akong asawa, namatay,

naburos akong anak, nalustay,

gitaban, ako na lang usa diri sa akong

panimalay, 

putos sa utang...blah blah

dayon nyag ingon, sa mubong panahon lamang,

pwede ko makahulam nimong one hundred

thousand? ayaw kabalaka ako ra lagi kang

bayran puhon

unya ikaw, ning hitaboa unsa man say

imong buhaton?

tubag daw bi.

(wa diay nako namention nga sa elementary pa

nag exchange gift mi sa klase , disyembre,

siya akong manito,

dako kaayo ang iyang kahon nga pula ug ribbon

 unya ang sulod usa ra jud  ka buok

nga sky flake biscuit )