makalood
abi ba lamang nga nakahalok ko nimo
(walay labot ang gitagong pakighilawas)
ingon ana na dayon diay nga
mahimo na kong imong tayotayohon
nga ug pwede pa gani
lawaylawayan ug lud-an na lang
morag dili na nako mahimo diri kanako
musimos kang dako
tungaw ka lamang sa akong itlog
animal nga kagiron
walay puangod walay utang kabubut-on
lapok sa tunaan sa niwang nga kabaw
langaw kang nakatungtong sa sungay sa kabaw
kabawo kang kining matanga sa panghitabo
dili gayod mahitabo kanako
dili ka bulawan
bato ka lamang sa akong tirador
buwak ka sa utot-utot sa daplin sa
dalan nga giithan sa mga manok ug gitaihan sa mga kanding
dali ra kaayong molabay ang panahon
hikalimtan ko ra ikaw sa hamubong panahon
hangtod sa dayon
No comments:
Post a Comment
Lami ba?