hinog nga bayabas

 batia pagbalik

kadtong nakita mo

ang usa ka pungpong

nga bayabas nga

hinog sa kaayo didto

sa punoan sa likod

sa inyong balay

ikaw lang usa 

ikaw lang ang nakakita

imong gisaka, gihikap,

gipupo, gikitkit ang usa

sa imong baba, humot

tam-is, haskang lamia

gayod

ang laing tulo imong

gisulod sa imong bulsa

dapit sa imong dughan

dala ang kalipay nga

unya dapit sa hapon

naa ka na usay kan-on

pula pula ang sulod

tam-is kaay ang duga

humok ang unod

sa imong dila nga

gituburan sa laway

nga sa imong ngabil

nagbaha, nagtabisay.