tumang pag-ampo

 nagpadayon ang maong

sulog

pagbati nga dili masabot

matud mo

ikaw ang gimahal sa

una apan milubad na

kon hagkan ko ikaw

unya ipiyong ko ang

akong mga mata

lain na usab nga hulagway

sa gugma ang akong

nakita

dili na ikaw, lain na usab

hangtod nga sa pipila ka

panahon nga nagbalikbalik

kini diha sa pag-usab-usab

nasabtan ko na kini ug

nakaingon ako nga kini 

dili gayod maayo

tiltilan ko ang bato

tibtiban ko ang mga gamot

binlan kog usa ka sanga

usa ka dahon usa ka 

bunga.

dili ko na balikan ang

kabahin sa pagmahal

wala na kini pulos

mopadayon lamang ako

sa pagpamati sa mga 

kausaban, damgohon pag-usab

ang mga kamatooran

nga sa matag gabii mupukaw

kanako mopakurog kanako

unya mag-awhag kanako sa

tumang pangamuyo sa tumang

pag-ampo/