ang yawa

sa pagsupak sa kabag-ohan
daghan na usab ang mabun-og
kon di kapugngan daghan
na usab ang mamatay,

pait kaayo nga tungod lang
kini sa usa ka patay, nga kabawo
tang daghang gipatay, kawatan,
limbongan, bakakon.

bisag himoan pa ni siyag
usa ka gatos nga taj mahal
dili gihapon mapapas ang 
iyang pagkatawo: kawatan,
bakakon, limbongan, 
yawa.

unta moginhawa tag lalom,
unya mohunong na,
sakto na, mangadye na lang
ta nga makalimtan na
gayod siya.

kagrabe sa gahom,  nakahimo
gihapog linog, bisag patay na.
di ba god nga gihatagan nato
hinoon kini siyag pasidungog?