gitagaan mo ako sa usa ka
slice sa cake
humot, lamian,

sa paglantaw ko lang
nagtubod na gani ang
akong mga laway

nanghambog ka
nga ikaw ang inahan sa
pagkamanggihatagon

og ako hapit nang
mitoo kanimo

gawas lamang
sa dihang nagbilin ka og
kataposang tugon sa wala ka
pa mibiya kanako

nga kining
slice sa cake
dili kini pagakan-on
kondili lantawon lang

og labaw na nga
dili kini
nako hikapon

nagtabisay ang akong
laway
nahisama ako sa
irong buang

gibakwi ko ang
akong mga pasalamat

og gitunglo ko
ang nagpakatawo
kanimo

(pesteng yawa
mamatay ka pa unta!

kan-on ka pa unta
sa bakunawang
nagtago sa ilalom sa yuta)