gitisok ang sanga
sa yuta nga abono
nanahon kini
og nahimong kahoy
ang mga langgan
nanugdong og ang
mga hulmigas nanaka
og ang mga kaka
naghimo sa ilang mga
lit-ag
bibo ang maong kahoy
ang iyang mga dahon
kamaong moawit
ang iyang mga gamot
kusog mangita og tubig
aron ang palibot
mahimong bugnaw
sa mga gustong molingkod
sa silong niini
apan kahoy kini nga wala
gayod mamunga bisan
og usa na lang
og wala usab sukad
mamulak
sa matag adlaw nangadye
ang maong kahoy -
"Pag-abot mo
maoy akong hangyo
nga ako
Putlon mo na Ginoo
sa akong daob
mamonga ako og aso
aron ako
makahalok Kanimo"
No comments:
Post a Comment
Lami ba?