nindot lang gihapon ang
mga bulan ug mga
bitoon didto sa disyerto
nga walay tawong
naglantaw
anaa ang hangin
bisag walay manugilon bahin niini
sa kanunay moawit ang mga suba sa
ilang panaw
labay sa mga kakahoyan og kakugnaw
sa kadaplinan
ang mga lumot magpabiling lumot
sanina sa mga dagkong bato
ang mga isda maglangoylangoy lang gihapon
sa sapa
nga gilandongan sa mga kawayan
dinhi sa baybayon
kanunay lang gihapon akong mopatik ug mga balak
bisan wala ka na
nga mobasa niini
karong kalag kalag modagkot akog pulo ka kandila
mohalad ako og tulo ka puti nga rosas
alang kanimo
No comments :
Post a Comment
Lami ba?