sa imong pag-abot
gitagbo ko ikaw sa katawa

gusto lang god nako unta
nga kita mangatawa

gidapit ko ikaw sa usa
ka salo-salo sa lain na
usab nga tagay sa
kinabuhi

sa tungatunga sa atong
pag-ambahan
nagsugod ka og pangutana
gisulayan mo og himo
ang imong planeta isip
sentro sa atong panaghigala

wa ko makauyon niini
busa gikuha ko ang akong baso
gitagay nako ang tanang
nahibilin nga ilimnon

gibitbit ko kini sa laing landong
sa akong pag-inosara
ikaw, sama sa uban,
wala pa gihapon nahigmata
sa kangil-ad nianang
pagbinata.  Di pa gayod
ikaw makauyon sa
tinud-anay nga wanang.