kabuntagon

ang huni sa kabuntagon
mao ang mga tamsi nga miawit
milupad nawala

ania na ang gipaabot nga kabugnaw
nga gihilis sa miabot nga kahayag

samtang ako naghandom pa gihapon
sa imong mga pulong

nangatagak ang mga yamog sa
hangin
nagsugod na ang hapuhap sa
mga bulak sa balahibo sa adlaw

samtang ako naghunahuna kon
unsa ang sunod nga lakang
mibahihi  og mehe ang kanding nga wala
pa matugway