sumala mo...

wala pa ako makapanihapon
misulod ka sa lawak
nga walay tingog-tingog

miingon ka, "wala na lang ako
kanimo manangpit
sa usa ka panihapon, 

layo ka na kaayo og sayod ako
nga bisan pa ug ako motingog
dili mo gihapon ako madungog"

x x x

sakto ka, apan ania ako sa usa
ka panahon
wala na kanako ang gahom 
sa pagpangayo og pasaylo kanimo

sakto ka, usa ako ka patay nga
bitoon nga nahulog gikan sa punoan
sa langit

usa ka kahilom
walay kahayag.