salesgirl sa Mercury Drug Store sa Quezon Avenue

ang iyang
ngan Love, so ako siyang
gitawag og Love

pution, bawod ug pilok
bata pa, gwapa, dili kaayo
taas,
mubo ang iyang buhok

morag lunhaw nga
kabuntagon ang iyang
mga mata

gitingob nakog palit
ang akong tambal
sa high-blood unya si Love
nangutana kon
molarga na ba kuno ako
sa america

mangutana ta ko kon
mokuyog ba siya, apan wa
na nako dayona

naa sa kilid akong
asawa.