gidili

wa ka misugot nga
ako na pong
saburan ang mga
sayawsayaw
sa humay, kay nahadlok

ka nga dili na unya sila
makahibalong mogamit
sa ilang mga pako

sama sa gidili nimo ang
paglawog nako sa mga
isda didto sa sapa kay
basin ug dili na sila
makamaong molangoy

gibalikan ta ang mga
bajao diin ang ilang 
mga puya gilabay 
didto sa dagat: ang
malumos iya sa dagat
ang mabuhi, iya sa
inahan, balik sa dughan.