usa ka tikang una

dili kapugngan
inig abot sa panahon
nga mangutana:
asa diay ta paingon?
unya kinsay mabilin?

ambot morag dalhon
kos kahadlok, kay
karon morag wa ta
masayod kon asa tang
duha paingon unya
kabalo tang wala tay
ibilin o mabilin

kanang hunahuna nga
mawala lang ang tanan
nga morag gabon diha
sa agianan usa ka hapon
niana, makapabalaka 
gayod, nga mora kag
lahi kaayo sa uban

akong giusob ug
pasinaw ang akong
antipara akong
gibali ang akong
sanina, dayon akong
gipasaligan ang akong
kaugalingon: mao
kini ang karon, ug
kining karon nga karon
mao lang gayod ang
labing bililhon

ang uban walay
labot: ang umaabot
wala pa, nganong
mabalaka? unya ang
milabay dili na 
mobalik, nganong
mahadlok?

usa ka tikang, sakto
na kana. Ugma na
pod ang uban.