kon ugaling

kon ang tiguwang nga lalaki usa ka 
kagul-anan
unya ang sapa maoy iyang gustong
kaligoan
malamang nga ang tiguwang malumos
kay ang sapa mas lalom pa man sa 
iyang gibitbit nga kahigwaos, 

ug kon ang mga babaye mao ang mga
awit nga unta mohupay sa maong 
panghitabo makita nimo ang kanihit
nila dinhing dapita nga kon ugaling aduna
may usa mga mahisalaag
makaingon ka nga dili mo na kini 
maila pa sa kadugayon nga naamang ang
mga kasingkasing nga unta maoy 
moyubit niini.