unta

arang pagkalamia gayod
unta apan diha ra kita gayod
kutob sa unta

tam-is ang wala pay timpla
kanunayng nakutaw ang imong
hunahuna diha sa imong
gilantaw nga wala pay mantsa

kadyot lamang nimong nailaila
ang walay babel ang walay bilbil
sa hamubong panahon mora kag
gisuyop sa lilo paingon sa kalipay

apan kutob ra gayod ka sa unta
nga mora bang ang imong anghel
nga magbalantay anaa nagbabag
sa imong dila nga sa unahan 
dili pa gihapon andam sa kapait

angay nga pasalamatan ang mga
unta, angay nga ipatik kining 
pulunga sa bato butangan sa bulak
dagkotan sa kandila, dayon kon
biyaan mo man balikan na usab
sa laing ting-init hangtod na sa
umaabot nga ting-ulan, tingbaha.