ang gipaabot nga pulong

ang mga lingkoranan
sa kan-anan
gilinya nga morag dunay
bayle unya
dapit, 

wa ko makauyon
sakit lantawon

ang kaldero walay hanig
sa alababo
ang bag-ong gitaod nga
tiles
morag gibungot

ang di nako ganahan
nga smoked fish maoy
gitanyag sa panihapon

wa ko sukad magpasaka
ug iro sa higdaanan
apan iya kining kanaham

bisag kusog ang ulan
dili mahimong dili patukaron
ang aircon

ang mga timailhan nanaghan
apan bisan pa niini
wala pa gihapon nabungat
ang gipaabot nga pulong

sa akong baba kini 
kanunayng nag-ung-ong.