unta karon na

giisa nako ang akong
duha ka bukton
gitagbo nako ang 
duha ka kamot
sa akong alimpulo

duha ka alimpulo
didto gitagkos nako
ang akong mga tudlo

ang akong duha ka
ilok morag duha ka
mata sa akong kiliran

sama sa duha ka buta
gisulayan ug guyod
ang usa paingon sa
laing lugar samtang

ang dughan nagpunsisok
nagsiging antog sa
iyang mga pangandoy

"unta karon na, karon
na, samtang wala pa
kaayo mawala ang
imong gamayng paglaum"

ang pag-ampo usahay
kontra gusto
hatag-dili, sulti-tak-om
hawa-balik.