tambag sa usa ka inahan sa iyang anak nga babaye nga bag-o pa lang nahibalo nga ang iyang bana dunay kulukadidang

aysus anak
ayaw na pag-iyak-iyak
diha
nabag-ohan ka lang
kabahin nianing mga
butanga

mao kini ang kasagaran
ang naandan
ug busa samtang sayo
dawata
sa imong duha ka mga
bukton
sa walay pagbangutan
ang kasamtangan

pinangga ko kamong
akong mga anak
karon sayran ko na ikaw
sa tinood nga hinungdan
nganong
sa sitenta ka tuig
naantos ko usab ang 
imong amahan