ang gahom sa imong balak

 napulo lang ang mipakpak

kanimo human nimog sayaw

napulog duha, nadugangan

ug duha ang mipakpak kanimo

human mog dugang sa usa ka

awit, giganahan sila sa kanta

gigana bravo!han sila sa imong tingog

gidugangan nila ang pakpak

dunay usa mitindog ug misyagit

ug "bravo! bravo! bravo!|"

apan sa dihang mihunong ka na

midangop kadyot sa kahilom 

mikuha sa papel, mibasa niining

imong balak, milingkod ang mitindog

pagkahuman, nahilom ang tanan,

nalugmok, walay mipakpak 

miabot ang tumang kahilom

nadungog ang pagkahulog sa dagom

nasaypan pa gani ang tunob sa

itom nga hulmigas nga paghilak

sa tungaw didto sa kunot sa imong

itlog, dayon nilag pamauli sa ilang

tagsa tagsa ka mga panimalay

gihangop ang daghang pagmahay

nga mora silag nangibot sa mga

puti nga  uban ni nanay.