pasalamat ka ni Bathala

 ang dako nga

balay nga kumpleto sa mga

gamit

ang tugas nga katre nga humok

kaayog mga alugnan

unya baga kaayog mga habol

ang humot mong lawak

ang lima ka mahalong sakyanan

ang pulo ka mga iro nga dunay

breeding

ang unom ka pultahan nga gasinaw ug

ang napulo ka mga bentana nga samin

ang ulagan mong iro nga bag-o pa lang

nanganak ug tulo ka nindot nga itoy

ang kristal nga baso nga puno sa tubig

sa lamesa nga lingin ug motuyok ang tunga

ang garapon nga puno usab

sa balaang lana sa altar

ang bendetadong puti nga kandela 

nga hapit na maupos

ang gantangan nga wala

pa napuno sa mga lugas sa

tipasi

pasalamat ka ni Bathala

bisag usa ka nila

wala na kahinumdom sa

dako nimo nga sala.