kabahin ni L.

seguro pait
lang gyod ang imong
naagian

didto sa palahubog
mong amahan
sa inahan mo nga 
laagan
sa lolo mong hingasaba
sa lola mong
asyosa

basin og dinhi ka natapot
unya wala ka pa gihapon
matangtang maong nagpabilin
kang pait

kapila mo ba gituis ang
matood?

gisulat mo ang kabahin
sa anghel sa bungtod
ang matinabangon nga
dwende sa langob
ang buaya nga wala mokaon
sa batang nawala

sayo nga naputi ang imong
mga buhok
unya ang imong kasingkasing
nga samdan
hangtod karon wala gihapon
naalim