si tasya

gilubong ni tasya sa kalimot
ang kamatayon sa iyang bana
samtang nagsabak pa siyag
upat ka bulan sa iyang ikaduha,

nahimo siyang katabang sa
panimalay ni lazaro nga bana
ni maria sa baryo sa sta. felomina.

gipamati niya ang bag-ong 
kinabuhi nga nagpitik sulod
sa  iyang tiyan ug dinhi siya
magsugod sa laing hugna sa
iyang pakigbisog...maulaw siya
sa pag-iyak sa iyang unang anak
samtang nagsukad ug panihapon
sa iyang duha ka agalon,

duha na ang iyang gibuhat,
ang una 
gilubong,
 ang ikaduha 
gitulon.