sakto ka
ang pinakadato dinhing lugara
mao kadtong
nakahibalo kon unsa ang
pagkakontento
ang nasayod sa utlanan
ang kauhaw nga
kamaong matagbaw
ang kagutom nga
wala magdumot sa
sud-an
ang wala na masuko sa
kwarta
ang wa na mahangol sa
katigayonan
gamay lang ang kinahanglan
sa pahulayan
pila lang ka dupa?
kadyot ra intawon kita niining
kalibotan nga
kon buot kwentahon
dili gyod
sa hangtod maato
