2018/01/20

kon giunsa ko ikaw paghigugma

karon
natun-an ko na unsaon
paghigugma
ang kawanangan
ang lawak nga
walay higdaanan
ang hangin
bisan lang gani ang 
tingog sa
langgam nga milabay
lamang
kuyog sa kagabhion
natun-an ko na
paghandom sa bulingon
mong gisul-ob
sa tunob 
sa mga dahon nga
gipalid
sa naglutawlutaw sa
sapa
sa buwak nga laya
sama kini sa
akong paghigugma kanimo
sa pipila na
ka mga katuigan

Panginhas dire