2016/07/24

tapulan

pagkadaghan sa
kahigayonan nga nanuktok
sa imong pultahan

nahimugso na ang adlaw
nakalupad na ang pispis 

namukol na ang mga mais
nanamkon na ang bag-ong kinasal

nalutas na ang puya
nanalumtom na ang mga mangga

apan ikaw anaa pa sa lubnganan
gihapon sa imong mga damgo

natay-an na ang mga rehas nga
gibahaan sa imong mga luha

sa pultahan nangabre na ang kagawasan
naunsa ka ba, hoy tawong tapulan!