2018/06/17

ang karaang duda

dili usab ikapanghimakak nga bisag
palahubog ang iyang amahan nga lapokon
kanunay ang mga tiil
aduna usab kini tinagoang pagmahal nga
iyang nakita sa ilang panimalay

matag Domingo magbaang kini ug mga kasag
alang sa ilang pamahaw
mangunay kinig lung-ag sa kan-on
prito sa itlog sa bebe nga puniton lang sa ilang
nataran

dugay niya nasabtan nga ang hinungdan sa
iyang paghuboghubog mao diay siya ang 
kinamanhorang anak nga lalaki nga matod pa
ni Nidas nga ilang silingan segurado siya nga
dili iyaha.

Panginhas dire