2014/05/30

ako unta ikaw nga ingnon nga lahi ang imong madungog ug lahi usab ang imong makita.
duha kini ka larawan.

kon imong dunganon makaingon ka, tinood na kini
nadungog ko na gayod ug nakita ug sa dihang akong gihikap
nahigmata ako sa katulugon
dugay akong nabuta
ang akong kabungol wala kaayo nako nabati kaniadto

apan ayaw ka higala
dinhing dapita ang nawong maskara usab
ug ang tingod lain na usab nga pagtakuban duyog sa pagdapion
sa paghikap

ang panahon lalom baya
bisan unsaon mo ug panit, adlip, dili pa gihapon kini modugo
wala pa gihapon nimo masamdi ang ugat
nga tua sa ilalom pa sa ilalom pa gayod

kon modugo na aron ka motoo
salura sa imong palad, itusno mo ang imong tudlo sa
sapa nga dugo
tilawan mo kini

ang tinood mas pait pa kini sa panyawan
kay abi mo, luyo sa katawa, sa katam-is sa bino nga moscato
nga atong gisaluhan sa samin nga baso
nagpahipi ang kamatooran sa kasakit nga sa kahapdos
bisan gani sa pagpanugilon lamang
dili mo gayod matugkad
gikan baya ako sa halayo nga dapit
nag-aso ang akong mga tiil sa kakapoy dihang mitunob kini sa
dughan sa yutang natawhan

gikutlo ko ang unang bato nga migitib sa gipahulayan
init kini sama sa bulak sa imong kamot

gidapion ko kini sa akong kasingkasing samtang
gipiyong ko ang akong mga mata aron makita pag-usab

ang atong gibiyaan: usa ka hanap nga isla, morag giaagian
nga aping sa imong mga luha

init pa gihapon ang paghawid diha sa paghandom
sa panit sa kamingaw misurop
ang gatubod nga orasan
unsaon ko man?

kining tunok sa panahon
gibaid sa mga kalaay
hait

kinsa ang magpaduol
masamdan

2014/05/28

ang milalin ug ang nahibilin

dili nako ipakita kanimo ang
dayag.

ania ako sa imong atubangan
kunuhay namati, apan ang sulod sa akong kasingkasing

humana nangabri unya ang akong mga pagbati diha kanimo
hagbay rang migawas

paingon sa laing balay, nga miabli sa laing pultahan,
unya atua na ako didto, nakighinabi sa makalipay kanako

atua na ako, mihigop sa iyang usa ka tasa nga
init nga kape.

samtang ikaw siging gayawyaw, unya ako
usa na lamang ka patay nga kahoy,

wala nay dahon
wala nay bulak.
si ervin
hadlok mahugawan ang iyang duha ka kamot
sa yuta,

"yaks, daghang kagaw!"
maoy iyang panaway sa akong duha ka kamot

nga mihabok sa daghan kaayog bunga nga
punoan sa kamatis

duha lang ka kagaw, ang kagaw sa hunahuna
ug ang kagaw nga naa lang sa libro.

si ervin
pordoy.

ang gaba

...maayo mag sili
nga mohalang dayon

...kon unsa ang imong
gitanom
na mao ra pod ang imong
anihon

....dili jud magsaba.

ang kaalam ni tiya tutay

kon dunay mangayog
dahon sa
kamunggay
pakapinan gayod niyang
dakong sanga

kon mobalik
pakapinan na gyod
niyag litaniya
sa pagpamoyboy ug
pangasaba

" kay ngano kanang
inyong tugkaran
bato?"

di ganahag utang

si tatay
makatulog ug tarong
sa iyang
lantay

sa iyang balay
nga gamay
mahinanok

kaysa dakong balay
unya
dunay bayronon
sa loan.
bahalag siging
blackout

basta hawid
lang ang atong
mga kamot

unya naang
simhot-simhot
payts lang
 gihapon

consuelo de bobo

maayo rang
natangtang ang atop
karon
kita na nato ang mga
bitoon

2014/05/25

ako ang nalooy kanimo

adunay bata nga walay purol
unya hirig ang iyang nilakwan nga
mora ba ug dili tupong ang salog
sa dalan
dili iyaha ang iyang gisuot
luag kini ug taas sangko sa
kumagko sa iyang tiil,
nangita kini siya sa iyang
inahan
balikon ko aron unta nimo
masabtan,
nangita kini siya ug inahan,
nadungog mo apan milingi ka
paingon sa wala
unya layo na kaayo ang imong
tinan-awan
lapos pa gani sa pikas
tampi.

usa ka lumalabay

kinahanglang hugot ang atong
pagsalig sa nakita
kinahanglang walay kapin
walay kulang

kadtong tamsi nga mibatog
sa sanga sa bayabas nga
wala na mamunga unya ang
mga dahon nangahulog sa
sapa sa kilid sa dalan diin
ang iro nga puti nga puntik
ug itom nga nagsigig paghot
sa bulan nga nagpadulong
na sa iyang kadulom,

ayaw na ingna nga ang tamsi
nagmasulub-on nga ang bayabas
aslom nga ang mga dahon nahutdan
na sa paglaum og busa nangahulog
nga ang sapa nalanag sa mga dahon
nga nangalata nga ang iro nabuang
ug busa siging gipaghot ang bulan
nga anaa nagbakho sa hilom sa
taas kaayong kangitngit sa
kagabhion,

ayaw na dugangi o kulangi ang
imong nakita
naghatag lang kana ug kasakit
kanimo nga usa lamang ka
lumalabay.

2014/05/24

ikaw ang mas nasayod
sa kaanindot sa imong mugna
ang imong kasingkasing
maoy magsumbong niini diha
kanimo
sud sa imong dughan
magpista ang
tanan.

busa ayaw na paabota pa
ang bisan kinsa
ayaw na ako agdaha
bibo na ang sulod sa imong
balay
misayaw na ang tanan
miawit
apil na gani ang mga bitoon,
ang bulan,
ang hangin, ang dagat,
ang mga kabukiran
walay lampara ang adunay kaisog
sa pagpalong
sa imong bag-ong nakaplagan
nga kahayag
busa padayon higala sa imong mga
mugna
kay diha sa imong langit
anaa na ang tanan
ulan ug init

usa ka tanghaga kabahin sa kinaham nga kasag


pagkadako pagkataas
sa iyang mga kuyamoy apan
sa dihang giluto na ug gibira
pagkagaan unya sa
pagkabuak pagkapait

bisan og dako
iyang bayanan
ay ang gadaghan
hangin ra diay
gikahadlokan ko ang
pagpaduol kanimo
kay sa matag dap-ig sa akong
panit diha sa imong bukton
makahinumdom ako
sa akong kaniadto
isip batang maldito
nga nagdakop sa alibangbang
giputlan ug duha ka pako
dayon gibiyaan sa hagdan.
sa tungang gabii
pamiloon mo ang mga habol
plantsahon mo ang mga ponda
ilain mo ang mga pantalon
hiposon ang mga panyo
ako sab
magtapok sa mga libro nga
dugay na nga nagbuka sa ilang mga
dahon
nga wa pa nako mabasa
ingon ani tang duha
kon maghunahuna na gani kon unsaon pag-ikyas
ang napriso tang mga pagbati
palabyon ta ang kagabhion
sama sa usa ka di kaila nga anino
giandam na usab nato ang akong mga
dughan
ug mga bukton
sa pagakos sa
bag-ong kabuntagon
nagmalipayon ang atong
mga likod
sa atong mga mata nga
nagpiyong-piyong
sa kalami sa lain natong
tagsa-tagsa ka
mga damgo
pagkalayo ba diay sa panaw
aron pa
mahikap ang kaanindot pa sa
atong umaabot
ug sud sa akong dughan anaa
ang tumang kahadlok
nga basin unya pag-abot didto
wala ka na.
adunay hulagway sa kilid sa atong tiyan
nga kon lantawon kini usa ka patay nga uhipan
mahimong wala kini kalabotan sa atong pagpakabuhi
apan gihandom
unsaon ta man nga mora man usab ug kita mamatay
kon dili kini tandugon
nga ug tandugon nimo ug sugod sa buntag
molihok kini, mosayaw, molukso
hangtod na sa kagabhion
nga mora bag nagpasalamat nga bisan ug
wala ka'y gusto
gipauyonan mo kini panalagsa
kay sayod ka nga kon mosayaw na kini
adunay luna sa imong kasingkasing ang
mosayaw usab
mapasalamaton nga sa usa ka gutlo
nabuhi ka nga sa pipila ka adlaw
o katuigan ba kaha
nagdulhog sa usa ka kamatayon
kon magpista
sila-sila ra pod
sila'y luto
sila'y kaon
ang ilang pamilya
morag pultahan nga
siging panira
wala'y gana nga
makig-ila-ila
sa kaanindot usab
unta sa uban
ang tumang kahilom
bugnaw
sama sa kaadlawon sa Mayo
didto sa
Sagada
kon dili ka pa andam sa
kainit sa
umaabot nga kabuntagon
hangtod na sa udto
kon imong pauyonan ang
kabugnaw sa imong mga pagbati
adunay moligti
adunay mabuak sama sa usa ka baso
nga gibutangan sa ininit nga tubig
nga kalit lang nabuak
unya ang kainit sa tubig
sakit kaayong mipaslot sa imong
gadangag nga kamot

2014/05/22

sa tungang gabii
pamiloon mo ang mga habol
plantsahon mo ang mga ponda
ilain mo ang mga pantalon
hiposon ang mga panyo
ako sab
magtapok sa mga libro nga
dugay na nga nagbuka sa ilang mga
dahon
nga wa pa nako mabasa
ingon ani tang duha
kon maghunahuna na gani kon unsaon pag-ikyas
ang napriso tang mga pagbati
palabyon ta ang kagabhion
sama sa usa ka di kaila nga anino
giandam na usab nato ang akong mga
dughan
ug mga bukton
sa pagakos sa
bag-ong kabuntagon
nagmalipayon ang atong
mga likod
sa atong mga mata nga
nagpiyong-piyong
sa kalami sa lain natong
tagsa-tagsa ka
mga damgo
pagkalayo ba diay sa panaw
aron pa
mahikap ang kaanindot pa sa
atong umaabot
ug sud sa akong dughan anaa
ang tumang kahadlok
nga basin unya pag-abot didto
wala ka na.
adunay hulagway sa kilid sa atong tiyan
nga kon lantawon kini usa ka patay nga uhipan
mahimong wala kini kalabotan sa atong pagpakabuhi
apan gihandom
unsaon ta man nga mora man usab ug kita mamatay
kon dili kini tandugon
nga ug tandugon nimo ug sugod sa buntag
molihok kini, mosayaw, molukso
hangtod na sa kagabhion
nga mora bag nagpasalamat nga bisan ug
wala ka'y gusto
gipauyonan mo kini panalagsa
kay sayod ka nga kon mosayaw na kini
adunay luna sa imong kasingkasing ang
mosayaw usab
mapasalamaton nga sa usa ka gutlo
nabuhi ka nga sa pipila ka adlaw
o katuigan ba kaha
nagdulhog sa usa ka kamatayon
ikaw ang mas nasayod
sa kaanindot sa imong mugna
ang imong kasingkasing
maoy magsumbong niini diha
kanimo
sud sa imong dughan
magpista ang
tanan.

busa ayaw na paabota pa
ang bisan kinsa
ayaw na ako agdaha
bibo na ang sulod sa imong
balay
misayaw na ang tanan
miawit
apil na gani ang mga bitoon,
ang bulan,
ang hangin, ang dagat,
ang mga kabukiran
walay lampara ang adunay kaisog
sa pagpalong
sa imong bag-ong nakaplagan
nga kahayag
busa padayon higala sa imong mga
mugna
kay diha sa imong langit
anaa na ang tanan
ulan ug init

usa ka tanghaga kabahin sa kinaham nga kasag


pagkadako pagkataas
sa iyang mga kuyamoy apan
sa dihang giluto na ug gibira
pagkagaan unya sa
pagkabuak pagkapait

bisan og dako
iyang bayanan
ay ang gadaghan
hangin ra diay
gikahadlokan ko ang
pagpaduol kanimo
kay sa matag dap-ig sa akong
panit diha sa imong bukton
makahinumdom ako
sa akong kaniadto
isip batang maldito
nga nagdakop sa alibangbang
giputlan ug duha ka pako
dayon gibiyaan sa hagdan
ang pulong nga "siya" dili dayag
kon unsa ikaw ug ako
dili nimo matino kon unsa ka taas ang
iyang ilong
kahamis sa iyang aping
kalumo sa iyang mga mata

nagpabilin ka diha pagtago sa "siya"
ug ang "ikaw" nalipay
nagpabilin "sila" sa usa ka tanghaga
linaw ang imong kaugalingon diha sa
wala pagpaila
siya ang imong gimahal
nagpabilin silang buta sa imong gihandom
nindot ang kahayag sa bulan
sa imong "siya" ug "ikaw"
ug mipatigbabaw ang kangitngit sa kalipay
halok sa hangin, gakos sa hapos.

2014/05/05

bisan ug maayo na ang
Mayo
sa bag-ong pagbuswak
sa mga buwak

nagpabilin pa gihapon ang
abog sa Abril diha sa
imong dughan

2014/05/04

ABRIL

abril ka lang gihapon,
init, putong,
kanunayng sabton

ugma ang iyang
kahilom paingon
na sa paghubas.

2014/05/03

dayag ang mga bitoon

ang sipat
mitubag sa dihang giingnan nga

dili moulan kay ang langit
puno man sa mga bitoon

dili balaknon ang moingon
nga ang mga bitoon trapal

apan lahi ang panglantaw
sa nagpabiling naghandom

wala ang dakong dag-om
busa dayag kaayo ang mga bitoon

ug kon dayag kaayo ang mga bitoon
nan, ang imong mga mata dili subo

kay kini wala may mga luha
wala ang gabon sa nahigugma.

Dungan

ning adlaw nga
init kaayo, dinhi sa akong lawak,
gipakatawo nako ang akong
mga awit, nga miawit usab
alang kanako? kay kinsa pa
ba ang moawit kanako? Ikaw?
wala na may awit sa imong
dughan. Ang imong lawak
hagbay mo ra usang gibiyaan.
Ako lamang usa dinhi apan
daghan ang akong mga awit.
Kinsa pa ba ang moingon
nga mingaw dinhing lugara?
Ikaw? Wala mo mabuhat ang
angayan buhaton. Miikyas
ka sa lawak. Giwaldas mo
ang ato untang kalibotan.

karong gabii, dili ko matulog.
maghimo ko ug gugma
ako sa ako, dughan sa akong
dughan. Ipahimutang ko
pag-ayo ang akong kalag sa
akong lawas. Ug sa hinanok
mangatulog ming duha.
Walay mauna. Dungan.

pasinaha

kanang imong gihawiran
mao ang imong kinabuhi.
hawid gayod. Ayaw pagbuhi.
ayaw pamati kanako. Anaay
tingog ang imong kinabuhi.
Pamatia kini. Ayaw anang
kabalaka. Sayop kana.
Paglipay, pildiha ang kamatayon
diha sa gihawira mong kinabuhi.
Ang mga kahoy nga dili kadagan
nga dili kasulti, nasina kanimo.
ang banog diha sa taas nga naglupad
gustong magpahawid kanimo.
Init man ang imong palad.
Unya ang suba sa kinabuhi
anaa mipadayon pag-agas.
Libot sa imong lawas balik
sa imong kamot.
Matag adlaw paglipay.
Kon mahimo, pasinaha ang
mga hagbay nang patay.

sa pagpakahilom

ang nawong sa dimalas
(ayaw og kasuko) anaa nimo

(di sab ko masuko) anaa sab
nako ug ang tanan maglipay

kay ang suod nga higala sa
dimalas, mao ang pagmahay
angay tang magsadya ang
nawong niining tanan nga
akong gihisgotan, anaa kanato
ug kita nga nagkuyog sa merkado
ug gani sa simbahan usab,
pulos mga subo, pulos mga
dimalas, pulos nagmahay.

apan kinsa bay ganahan manugilon
kabahin niini? bisan gani ang mga
patay, kalit man o dili,
gipili na man lamang ang
pagpakahilom.

sugod



dili mahimong sayon-sayonon ang tanan.
dili patag ang kalibotan, sayod ka, daghang bukid nga bato
daghang dagkong balod sa unahan,
ang mga balili anaa ang mga halas nagtakuban.
naay mga dalan nga gisabwagan ug mga bildo.
anaay mga hikot nga dili mo mabadbad.
ayaw kog pasaligi anang gugmang dili molubad.
kanang pagsabot nga lalom. mga bulatik sa bulad.
Asgad na. Makasakit na kana sa kasingkasing.
Gusto nako nga motipon na ako sa mga balas.
Gikan sa imong palad.
Buang sab ko kaniadto. Di sab makaon ang
akong pamatasan sa irong gikagid.
Dili ta magkasinabot. Mao kana ang sugod.

mga kukabildo

unsaon na man nato kining
nabilin? kining iyang sapot
kinsa ba ang mosuot niini?
sunugon na lang kaha dala
ang lawas? abono pa ang abo.

duha sila niining lawak.
naghawiray sa kamot sa
dihang nahitabo kini.
nagbula pa ang baba,
naghilo ba? kinsa ang
unang mitungab? basin
og gipugos lamang ang
usa. Apan nganong aduna
may marka sa ngabil ang
dughan? nagsabot kaha
silang duha? ang salog,
han-ay man usab ang sapatos
tupad ang medyas. Hapsay
man. Unsa kaha ang imong
isulat bahin niining duha

ka mga lalaki nga karon
wala nay mga ngalan.

sa hinapos

mao.
wa ko madawat.
ikaw sab, wa mo makuha ang gusto mo ning
kalibotana.
hihapos sa adlaw, mitutok ka sa adlaw.
wa matuman ang damgo.
ang gitagna
nalata.

apan bisan pa ning tanan,
malipayon lang kita gihapon.

ako imong gitawag nga
Hinigugma.

nakadungog, di ko motoo nga wala.
wa lang gayod gihatag.

wa ko maghambin ug katarungan.
nagpasalamat lang gihapon. mao kana ang
atong hinapos.

2014/05/02

sa kadaghan sa gisulti
wala kay nasulti, bisag usa na lang

pagkakusog sa hangin
apan wala'y bisag usa kanako ang napalid

pagkadako sa kahoy
pagkalabong sa iyang mga dahon
apan wala'y  bunga

sa kadaghan sa giatiman
wala'y naatimanan

sa kadako sa dapogan
sa nagpasad nga mga kalaha

wala na ang baga
wala na ang kalayo
dili na nako makalot
ang imong katol

pasensya na

kon gusto ka
ipakalot na lang sa uban

pasensya na

kay dili mo na usab
mabali
ang kagahi sa akong

ulo, pasensya na, dili
na magtakdo  ang

imong katol sa akong
tudlo.
gihunahuna ko ang langaw nga morag helicopter nga
nagtuyok tuyok sa dakong ugdo sa tae sa kabaw
diha sa
kalibonan
anaa sab ang lamok nga nagsamoksamok sa kagutom sa langaw nga
gusto nang motilaw sa lamian niyang putahe


human nako madungog si obama nga basin kuno
 ug motabang siya kanato
kon sulngon kita sa china.
miingon ka
nga ang akong balak usahay
molahos sa bukog
deretso sa kalag
wala ko kana damha
kon nahitabo man ugaling
pasayloa ang buta
sukad sukad wala ko gayod
damha bisan sa damgo lamang
nga ako mahimong
usa ka hait nga
punyal
si domino
trantaykuwatro na
ambongan,
kwartahan,
negosyante,
pwerte,
dili moinom,
dili manigarilyo
dili pa gyod laagan

wa pa gihapoy uyab
gipaabot daw ang
spark.
wa mo kaabot ni
mary poppins
ug kadtong sound
of music

sa among panahon
tag-as ang
saya sa mga babaye
long sleeves dayon
matching ang bag
ug sapatos nga puros
sab itom
dayon paabot sa hangin
basin ug makalupad
aron mapadpad
sa atop nga sin
unya kaming mga bata
martsa martsa
dagan paingon sa bungtod
hawak kamay
kuyog sa among
maestra nga otro pod
kusog ang pantasya
kuskos dayon sa gitara
dayon namong tanan og
kanta kanta'g
doadir a pimil dir
ri a goldin ri ob san..
kon magkadaghan ang
akong amiga nga gwapa
mosamot sab kuno kog
kagwapo,
kon moabot na ug usa ka
gatos, mobalik kuno kog
pagkaulitawo,
mahamis akong aping morag
starapple,
mobus-ok akong masel morag
kabaw,
apan kon di kuno ko mohunong
aning akong kabuang
mahimo kuno kong kugang.
sama nimo
limtanon na usab ako
ang antipara nga gisablay
sa dunggan gipangita sa
lamesa

dili na sab ko tigsuot ug
medyas
usahay dili pareho ang
kolor
aduna koy adtoan
unya sigi kong kalapas
kon akong balikan
sigi lang malimtan
wa ko na gihandom pa
nga moabot ka
balik kanako isip usa ka
tigpahinumdom
ning puntoha
kulang pa gani kanako
ang usa ka gatos ka
kalimot
sa kadugayan
nagustuhan na gayod nimo
ang akong
pagka-isla: kanang di ko mohikap
ug di sab ko hikapon
kanang ang labat sa akong palibot
mao ang lapad ug lalom nga
dagat

dili man sa ingon nga
giganahan ko aning akong kahimtang
apan
kinahanglan lang gayod
kapoy baya ang kamatayon nga walay hunong
ang kahapdos nga walay pagkahupas
og kanang saad nga pagkabanhaw nga
kanunay mong gipanghupaw
ako isla, dugay ra.
ikaw, karon, isla na usab.
ugma, basin, og moabot na ang
sakayan
nga walay katig
nindot usab damgohon ang tulay
apan, para unsa pa man?
gihakop niya ang tanan
walay gibilin ug ang nagtan-aw
nga walay yamo bisag katunga man lang
mihangad na lang sa langit
nga unta kon unsa ang iyang kalaog
mao usab ka lalom sa iyang lubnganan.

ang model sa organic farming


nindot sab imong gimik da,
una, ngayo kas akong picture nga gigakos nako ang hangin
so akong gisend
dayon balos kas imong picture nga mibilangkad kas bato


gitiklop ang imong pulang payong sa kilid sa mga asul nga panganod
ang caption, 'feeling hot and sexy"

 siempre mibalos ko nga mora kog iro
"grrrrrreat!"
og mibalos kag "meowwwww! nowwwww!"
kadtong imong pix 

nga naghigda kas katre, please send again
so akong gisend dayon og ingon nga
"nindot, pwedeng himoong model sa organic farming!"
siempre wa ko mangutana og "why" 

 kay kabalo ko sa tubag 
"mukhang tae ka kc"
but i ignored it by saying
"oh, i love your taste!"

medyo na-offend,

 "nothing to say, nothing to display"
hayyyy, unot unot sa mga unod,
kulitog kulitog sa bukog
ang kahasol sa kaulag,
 nindot pod,
lamilami gamay
sa kalaay og kalas-ay
sa atong kinabuhi makahupay,

chat, tonight, at 9 p.m. sharp, at least you have taste
you are talking to me.
 usual dialogue sa mga wala
nahupong anang

pakakak sa mga kaka.
humanon gayod ang nasugdan
kon unsa man ang mga babag sa dalan
ibutang na lang sa kahilom sama sa pagbutang mo sa baso diha
sa samin usab nga lamesa,
walay tingog, walay mabuak,
walay bisag usa ka pangagho
ang mahulog,
ayaw na ipha ang mga katuigan,
molabay lang kini nga dili gani nimo
mabantayan ang mga unsa ug ang mga ngano.
sama sa kaso sa korte
daghang mahitabo sa atong pagpamalak
usahay bisag sad-an
tungod kay maayong pagkahan-ay
ang mga pulong
ug pagamit sa balaod
nan, mahukmang
inosente

usahay ang mga bakak
mahimong tinood ug usahay usab
ang mga tinood na unta
naunsa mang hitaboa
nga nahukman mang bakak
apan mas kuyaw gyod ang pagpamalak
gilamog ang mga alajas nga peke
sa mga tinood
anaa ang aryos nga mahalon
gisuot sa dunggan nga baratohon
anaa ang mga baki nga tinood nga mikokak
sa usa ka hardin nga ilusyon
ang eternidad nga wa pa matugkad
gihimong mabaw usahay ug gipabilangkad
kaniadto sa batan-on pa ako
misulat ako ug balak kabahin sa gugma
nabasa kini sa dalaga nga di ko kaila
ug nagpasalamat siya sa ako kunong gugma diha kaniya
ug mibungat nga siya nahigugma na usab kanako
ug makigkita na siya dala sa usa ka puko
kay makigtaban na lagi usab kanako,
nahadlok ko, ug ang ako mikulo"
dili tanang lami
hinog
ang hinog nga
mangga
dili baya
makapatubod sa
akong laway
dako ug kalainan
ang mga balod sa
dagat
sa mga balod nga
anaa diha
sa imong mga pilok

kay ang dagat
lahi ra gyod kaayo
sa mata
sa kanding
dili ang kahinog ang basihanan
sa timplada
sama nga ang kalami wala
diha tanan sa katam-is
kay usahay naay kalami
sa mga aslom
sa mga asgad
ug labi na usab sa
panalagsang kapait
nga di malikayan sa
lawas
pipila na ka tuig human sa kasal

sulod sa CR
luag ang akong brief og ikaw wala na'y bra
nagbitay ang imong totoy
og naglabyoglabyog ang akong lagay
gihimas nimo ang imong buhok nga nanipis
og gisapot ko sa akong tubol nga dili ma-flush
nakalimot na kog hubo sa akong sapatos
og wala ka na masuko nga nalapok ang salog
nagpasad ang bula sa sabon gikan sa bathtub
ang hair sa imong flower wala na'y pul-ong
kahinumdom ko kaniadto
nga nangutana ka kon ako nahigugma ba gayod ako kanimo
og miingon ko
nga ang akong utog maoy pasultiha
apan misimang ka sa dili komedya
nga kon kunuhay sakay ta sa M/V Victoriano
paingon sa Sugbo
og nalunod ang barko dapit sa Apo kuyog sa akong inahan
kinsa ba ang akong salbahon?
siempre miingon ko
 nga ikaw jud
og mikatawa ka
kay wala gayod mausob ang akong pagkapuyok og
pagkawasinanggo

karon dili ka na madutlan sa akong mga bakak
og ako dili na usab tig-mind sa imong kadelikada
ug kawitwitan
hapit sa tanang butang
pati na gani ang tikod sa akong sapatos
nga dunay chewing gum
 easy-easy na lang
gidawat bisag unsa ang moabot
sa atong kinabuhi

usahay maghinuktok ko sa kilid sa bintana ning bay tang daan
atubangan sa takdol nga bulan
naghunahuna ko kabahin nianang malipayon nga kaminyoon.

2014/05/01

seriously speaking
maoy bungat ni Eking,
di ko ganahan maseryos
kay gansi ko,
kay ngano kining life
seryos sa akoa?

shit na lang
mihirit si Eking,
work kon work
study kon study
apan pagkahuman
na...
unsa man dayong
Eking?
pagkahuman na,
matulog lang dayon
kay wala'y
kwarta...
lengua de gato
feel kaayo ang
shake
sa world
nahugno ang mga
roofs sa houses
sa dihang
mibugwak na ang vulcan
sa iyang lava
unya mikuyanap ang iyang
itom nga ashfall
sa dihang
mitukar ang imong sakit
sa pagkaselosa
wa mo kaabot ni
mary poppins
ug kadtong sound
of music
sa among panahon
tag-as ang
saya sa mga babaye
long sleeves dayon
matching ang bag
ug sapatos nga puros
sab itom
dayon paabot sa hangin
basin ug makalupad
aron mapadpad
sa atop nga sin
unya kaming mga bata
martsa martsa
dagan paingon sa bungtod
hawak kamay
kuyog sa among
maestra nga otro pod
kusog ang pantasya
kuskos dayon sa gitara
dayon namong tanan og
kanta kanta'g
doadir a pimil dir
ri a goldin ri ob san....
kon magisi na ang pako sa alibangbang
mahulog kini sa balason nga yuta,
mahagba ang iyang lawas, masakitan,
apan tungod sa iyang tumang kagaan,
wala kay madungog bisag usa na lamang
ka pulong.
sometimes, she finally reveals, most of what she wrote were nothing but
lies.
Lies end somehow, but the liar remains to be someone that you cannot believe anymore. A mouth to avoid. Except if your love is persistent, and unwavering, like a silky sea one fine morning,
you keep the walk despite her talk, holding her hand, even kissing her hair,
and you like this walking to be never ending.
Love covers lies.
Her nature continues. Love does more than that. The liar becomes professional in her dealings with you and you become more professional in
tolerating lies, to a certain point, the lies become irrelevant, love is getting more logical, and selects what to really believe in.

The liar is your beloved. You transcend. You jump over the fence and find
that green garden of hers, though far away.
And then both of you live there
happily ever after. I know you like this ending.
It is another lie.
nagsabot kami nga magsulat kabahin sa tinaginting sa hangin.
sa pipila ka gabii nga nanglabay, o bisan kaniadto pa, dili pa gayod gihapon
makita ang hangin.
nangutana ang bata, nakita ba nato ang hangin, kita nga nauna kaniya.
miingon ang bata, unsa ba ang inyong mga mata, nganong wa man ninyo
makita ang hangin?
ako ang mitubag, mga buta kami, mga buta kami, ug ang among hangin
bisan kanus-a dili gayod makakita sa hangin.
ang hangin nakita ko sa akong panit, ug ang iyang tingog akong nadungog,
sama kaninyo, nagpabilin kini siyang tinaginting sa mga wala pa gayod kaayo makita.
giila-ila sa bata ang hangin, gihawiran, gianinaw pag-ayo ang nawong
pinaagi lamang sa usa ka dula.
wala man goy kahaw-ang ang iyang kasingkasing.
DISGRUNTLED
gusto niyang
magpabilin ug lama
sa inyong mga
dughan

kamo nga wala mitoo
kaniya
kamo nga ug siya
pa
angayan sang
lud-an
It is sad
to drink alone
in a bar where
you are the only
audience
to a bossa nova
singer

you go outside
to be with the moon
and your shadow
now you feel that it
is sadder still
that Chinese poet
who danced with his shadow
and shared his jug of wine
with the moon
was a simply pretending
kon magkadaghan ang
akong amiga nga gwapa
mosamot sab kuno kog
kagwapo,
kon moabot na ug usa ka
gatos, mobalik kuno kog
pagkaulitawo,
mahamis akong aping morag
starapple,
mobus-ok akong masel morag
kabaw,
apan kon di kuno ko mohunong
aning akong kabuang
mahimo kuno kong kugang.
it is too early
for you to sleep in bed
and alone at that
your hands touching your
arms
resting finally on your
shoulder blade

do not insult the beauty of the moon
do not humiliate the stars
open your window
see the sky filled with the treasures of the heavens
gaze to the moon and the stars
embrace the light
and then with all due respect
kiss the night goodbye and then sleep
matug ka na? sayo pa man
ayaw usa, pakigsandurot una
sayang ang kaanyag sa kagabhion kon imo lang kining katulgan
mainsultuhan gayod ang bulan kon imo kining talikdan
ug ang mga bitoon
ayaw intawon silag tagai ug kahiubos
wala pa gani nimo
mahagki ang katahom sa ilang
galagiti nga kahayag
pagkadaghan sa ngabil sa mga bitoon
nagpaabot sa imong ngabil
pagkaanindot sa dughan sa bulan
naghandom sa kainit sa hapyod sa imong mga kamot
Feeling rotten
i guess
won't help the
situation of the
rotten orange.
gihunahuna ko ang langaw nga morag helicopter nga
nagtuyok tuyok sa dakong ugdo sa tae sa kabaw diha sa
kalibonan
anaa sab ang lamok nga nagsamoksamok sa kagutom sa langaw nga
gusto nang motilaw sa lamian niyang putahe

human nako madungog si obama nga basin kuno ug motabang siya kanato
kon sulngon kita sa china.
miingon ka
nga ang akong balak usahay
molahos sa bukog
deretso sa kalag
wala ko kana damha
kon nahitabo man ugaling
pasayloa ang buta
sukad sukad wala ko gayod
damha bisan sa damgo lamang
nga ako mahimong
usa ka hait nga
punyal
si domino
trantaykuwatro na
ambongan,
kwartahan,
negosyante,
pwerte,
dili moinom,
dili manigarilyo
dili pa gyod laagan

wa pa gihapoy uyab
gipaabot daw ang
spark.

Panginhas dire