pagkat-on sa paglupad diha sa dakong hawanan sa wanang

BUHII ang imong gihawiran
kon mahimo
putlon mo man gani ang imong mga kamot
aron ka makamaong
molupad

ayaw panghawid
pagpatihulog ning dakong hawanan sa wanang
walay mga kamot ang mga panganod
og wala silay gahom sa pagsalo kanimo
walay pako ang mga hangin
og wala silay mga likod aron imong angkasa

karon nga ikaw na lang
sa tumang kahadlok

ikaw, nakalupad na