alang sa nawad-an ug katarungan

gipangita na nako ang mga
katarungan
aron masumpayan unta ang
akong katuigan

bisag usa lang
bisag putol lang gani

apan wala na
bisag usa lang
bisag putol pa gani

busa
gidawat ko ang tanan
giandam ko ang
akong sakayan

kon moabot na
ang dakong unos
isulong ko kining
akong sakayan
nga walay katig

unya ang akong
ipabilin
mao lamang ang
sugilanon

nga dili gayod nila
masumpayan
ug tinood nga
kataposan