walay gihawiran walay mahatag ug walay hiposon.

ganahan ko anang
mablanko ang akong panglantaw
kanang wala nay pulong nga mag-ung-ong sa ako baba nga gibitbit sa akong dila
nga morag paon nga wa kalingkawas sa iyang taga

ganahan ko anang mahaw-as gikan kanako ang tanang gapunsisok sa akong dughan
kanang mora akog kanal nga gibahaan ug ang tanang basura apil ang lapok mahawan

kay pagkahuman mora na akog bag-ong tawo ning kalibotan
walay nakamahuan
walay gihawiran
walay mahatag
ug walay hiposon.