kon ikaw kuno
kusog mokaon og karneng
iro
matimahoan kini sa 
matagboan mong
mga iro
busa ikaw ilang
giinitan

gigukod ka
gipaghot
og kon di ka
kabantay
paakon ka nila

aron dili daotan 
ang mahitabo sa imong
kinabuhi puhon
palihog ayaw og kaon
og babaye

bisan unsang putahe
nga gikan sa babaye
ayaw og kaon

ayaw og inom sa dugo
sa babaye
ayaw og tila sa dila
sa babaye
ayaw og higop sa iyang
laway

pagpaabot lamang
nga ikaw duolon
og ilang hapohapon ang
imong pus-on
sama sa usa ka dolon

sama sa iro
pagpaabot nga mawala na
ang ilang kasuko
ang paghupay sa ilang
paghot
ang pagkiwil sa ilang
ikog

ikaw ang tawo nga
makamao sa kinabuhi

gianad mo sila
sa imong mga kamot

( ug sa pag-abot sa higayon
imo silang
tanan gikaon....


sama sa mga babaye)