paningkamot

gipaningkamotan
sa kamot nga mahikap ang
dakong bukol sa
likod dapit sa wala
ubos-ubos gamay
sa abaga

ang buta nga manghihilot
dali ra kaayo niya kining
nakaplagan

lawom matod pa niya
dili mosibog
dako, gahi.

nabilar kang naghunahuna
kon unsay buhaton
kon imo pa ba kining
daginoton
dugang sa mga kasakit
sa imong henerasyon

nakaingon ka
swerte pa gihapon ang
mga buta....