kita nga mga hamtong

ang kalibotan sa usa ka bata
nga nagdula anaa lamang
sa iyang bola
o kaha ba monyeka
o kaha ba
sa balas ug platoplato
nga iyang
gihimong kan-anan

yano kini nga kalibotan
nga puno ug kalipay
ang iyang giaway 
kaganiha lang
 karon higala na niya
nga suod

mas gamhanan ug 
mas bulahan
ang mga bata kaysa
nato nga mga hamtong

kitang madinumtanon
kita nga dili pautang ug sugilanon
kita nga kunuhay mibalak
 sa silong sa bulan
sa ibabaw sa balod
sa tungatunga sa hangin
sulod sa kunuhay atong mga
paraiso ug mga langit