panginahanglan lamang.....

gikan sa bukid
nanimahong abhong ang iyang
aping

morag gikan sa hulaw ang
kauga sa iyang ngabil
nga akong gibisibisan sa 
akong halok

dili gugma ang iyang gipakita
kanako
usa lamang ka bahin kini sa
panginahanglan aron mabuhi

sa kalami unsaon pa ba nako 
pag-ambat ang iyang pag-antos?
ako ang nagpaingon sa langit
siya ang gustong mohawa sa 
iyang impyerno.