karong adlawa
nangadto kami sa lubnganan
ni Padre Paliola
(kadtong misyonaryo nga
giputlan ug liog sa mga Suban-on
kaniadtong panahon
sa miabot na si Magellan sa Pilipinas)
ulahi nakong nabantayan
nga ang akong driver, ang alalay sa
akong inahan nga tiguwang,
ang akong gwardya
puros baya mga Suban-on)
hinoon, lahi na ang karon
apan, alalay lang sila gihapon
hinoon, maayo na ang relasyon karon,
wala na ang pinutlanay ug liog
kon mag-away kabahin sa relihiyon
kasagaran, anaa na ang pakigdait
ug ang pagpakahilom.
