ang mga panghitabo
gipasagdan ko sama sa pag-abot sa
ulan
sa pagbuswak sa kahayag
sa pag-abot sa kahaponon
unsaon ko ba pagbabag ang mga
panghitabo?
unsay ko ba pag-undang ang mga
ania na dinhi?
dili puthaw ang akong kamot
aron pagbuak ning mga bato nga
kamatooran
dili ako unos nga mopapa lamang
sa mga tunob sa usa ka tayhop lamang
gipasagdan ko ang tanan
nga mobuhagay
wala akoy gisalod sa bulsa
sa akong dughan
giusikan ko ang tanan
sa bilahan sa imong atubangan
samtan ikaw nahikatulog
unya ako usab magsugod na
sa laing damgo
sa akong kinabuhi....
