gipasabot ko ikaw sa atong
duha ka utlanan
sulod ning lugara kitang duha
apan sa gawas
dili na
sabta nga dunay gugmang suhi
nga maayong manghilot apan
labaw sang
hilotonon.
lantawon ta lamang ang
karon
ayaw na ang unahan
kay didto na ang ilad ug limbong
anaa ang lingla sa kalay-on
anaa ang pagkabuta sa kadul-on
sa tunga anaa ang hawan
ang haw-ang
ang panganod sulod sa garapon
ang gabon sa kilid sa
atong mga mata nga nagpahipi
unya ang iyang
mabiaybiayon nga katawa
dili madungog sa atong mga kasingkasing
nga gituaw sa mga kalag
sa luspad nga kapalaran
