pagkaabtik sa tiki nga nagpuyo sa ilalom sa akong personal computer.
naglisod kog patay gamit ang swatter sa langaw nga nahisalaag diring dapita.
mi give-up ko
unya sa dihang mitugdong ang maong langaw sa ibabaw sa sound speaker kalit lang mitumaw ang tiki unya sa walay langay gilamoy ang langaw,
dayon samtang busog na kini kaayo nagtinutukay ming duha nga puno sa kalipay ang among mga kasingkasing
dako man diay ang iyang mga mata
morag mata sa dinosaur kon tutukan
nakahinumdom ko sa Lament ni anton chechov,
dili ba god nga sa tumang kaguol niya
nakig-estorya na man gani siya sa iyang kabayo samtang siging kahulog ang snow didto dapit sa iyang giyak-an
matingala ka kon duna bay
connection ang langaw, ang tiki, ako nga buhi,
si anton ug ang iyang kabayo nga puros na patay
actually, duna.
ikaw ang among connection
dako baya kaayo ang imong kalabotan
bisag wala pa kita bisag kausa pa
nagkita
