5/21/2012

wa sila masayod nga ikaw dili na tawo

balikan mo ang
kaniadto

tawgon ka sa
kagikan

pagkadaghan
ba
dili na maihap

ang kalipay
gaguot nga mga
anino
sa usa ka hardin
sa ilalom
sa bulan

unya adunay
mitumaw nga gamay
nga kahilom

giuli ang kaniadto
gipuli ang karon

maguba ang imong
nawong
naasloman ka
sa imong
natilawan

namakak kadtong
mihalok kanimo

sabton tang
sakit usab pamation
ang kakusog
sa ilang mga katawa

apan sipyat ang
hunahuna
hagbay rang
dili ka na
tawo

ang imong mga kamot
dili na gani kamot

dakong baha ang
imong kasingkasing
ang imong lawas
kusog nga bagyo
 sa hangin










No comments :

Post a Comment

Lami ba?