11/11/2018

pagkahuman sa gugma

kon unsay imong gihimo
sa gugma
ang baba mo tak-uma

kon unsa ang nahitabo
sulod sa lawak
sa ibabaw sa katre
o sa ilalom ba niini
kinahanglan pa ba nga
kini isulti?

nagtagbo ang inyong 
duha ka mata
wala moy nakita
nagsaghid ang inyong
lawas sa hagip-ot
nga pultahan
sa dihang nagdungan
mos gawsanan
wala moy gibati
wala sad silay matiti.

kamo lang duha
og kamo lang gayod
sa pagsugod ug
sa pagkahuman
sa sinugdan og kataposan

ang didto sa tunga
tipigan na kana.

No comments :

Post a Comment

Lami ba?