mubong sugilanon

nanugdong ang mga pulong
nga akong gihunghong kanimo
diha sa imong buhok, nga morag
mga buwak sa african daisies
parehog bulok sa mga buwak ni
mama kaniadto sa gamay pa ko
nga akong gipang-ibot sa dihang
wala ko niya kuyuga sa lubong 
ni Manong Iyas nga maayong tawo
tinghatag nakog hinog nga bayabas
inig labay nako sa iyang payag
nga gibiyaan sa iyang asawa nga
nakakitag batan-ong lalaki sa 
laing balangay diin wala ang
kalaay.